kutubhona

– „Уни кофирлар икки кишининг бири бўлган ҳолида (яъни, бир ҳамроҳи билан Маккадан) ҳайдаб чиқарганларида, унга Аллоҳ ёрдам берди-ку. Ўшандан икковлон ғорда бўлган пайтларида ҳамроҳига: «Ғамгин бўлма, шубҳасиз, Аллоҳ биз билан биргадир», дер экан…“. [9:40]
Мана шу ҳижратда Суроқа Қурайш қўйган мукофотни олиш учун Пайғамбар с.а.в. билан Абу Бакрни тутиб беришига оз қолганди. Пайғамбар с.а.в. Суроқага

«بِأَنْ يَرْجِعَ سِوَارَا كِسْرَى»

«...қайтса, унга Кисронинг билакузуклари бўлади», деб айтгандилар.58
Пайғамбар с.а.в. биз у кишидан намуна олишимиз учун сабабларни қилардилар. У кишига Аллоҳнинг раҳмати ва саломи бўлсин. У зоти бобаракот Қурайш кофирларидан нажот беришини Аллоҳдан сўраб, кечаси уйларидан атрофни ўраб турган кофирларнинг юзларига тупроқ сепганлари ҳолда чиқиб кетавердилар.59

Зеро, у зот дуосини Аллоҳ ижобат қилишидан ва кофирларни ўзидан буришидан кўнгиллари тўқ эди. Худди шундай ҳам бўлди. Аллоҳ уларга уйқуни зарб қилди ва Пайғамбар с.а.в. хотиржам чиқиб боравердилар.

Дуо сабабларни бекор қилмайди. Аксинча, сабаблар билан бирга юради.
Халифалик янгитдан барпо бўлишини истаган одам фақат дуо билангина чекланмасдан уни барпо қилиш учун ҳаракат қилаётганлар билан бирга ҳаракат қилиши, айни пайтда уни тезроқ амалга ошириб беришини сўраб, Аллоҳга дуо қилиши, дуода собитқадам бўлиши, дуони холис Худо учун қилиши лозим.
Бошқа ишларда ҳам шундай. Киши амални холис Худо учун қилиши, Пайғамбар с.а.в.га садоқатли бўлиши, дуода барқарор туриши керак. Аллоҳ эшитгувчи ва ижобат қилгувчи Зот.

4- Дуо қилгувчи дуо қилса, унинг дуосини Аллоҳ эшитади ва музтарнинг дуосини ижобат қилади.

وَقَالَ رَبُّكُمُ ادْعُونِي أَسْتَجِبْ لَكُمْ
– „Парвардигорларингиз: «Менга дуо-илтижо қилинглар. Мен сизларга (қилган дуоларингизни) мустажоб қилурман», деди“. [40:60]

(58) Равзул Анаф Суҳайлийнинг Сийрати Ибн Ҳишомга ёзган тафсири: 2/233.

(59) Сийрати Ибн Ҳишом: 483 саҳифа.